Heimþrá

Þegar ég er að keyri að kvöldlagi hingað uppá Bifröst frá Borgarnesi og það er farið að rökkva hugsa ég stundum um það hvað aðrir landsfjórðungar en Austurland eru ófullkomnir. Maður á ekki von á að rekast á hreindýr hérna megin á skerinu Ég sakna þess sárlega að sjá hreindýrshjörð tölta yfir tún eða uppi í hlíð. Hreindýr minna mig á pabba minn og mömmu, sveitina mína og góð æskuár. Ég man eftir að klifra upp í kerru og strjúka þeim þegar pabbi kom heim af veiðum. Ég man eftir að stoppa bíl og horfa á þau í kíki svo manni fannst maður geta teygt út hendina til að klappa þeim. Ég man eftir pínu litlum hreindýrskálfi sem var fóstraður á Borgarfirði eystri, en það er til mynd af mömmu að klappa honum og kyssa. Ég fer viljandi fram hjá girðingu hreindýranna í húsdýragarðinum því þau eru eitthvað svo horuð og þunglynd að sjá. Ekki nógu mikil reisn yfir þeim þar

Ég fæ heimþrá þegar ég les þessa frétt. Spurning um að láta allt krepputal lönd og leið og splæsa í ferð til Egilsstaða um jólin? hmmm? Af hverju ekki?

Bjargaði hreindýri úr gjótu

je minn...

Ég held stundum að ég hafi séð fyrir endann á óeðli fólks en sumir koma manni bara stöðugt á óvart.

En á þessum bæ er allt gott að frétta og allir hressir og kátir. Það var talsvert áfall á föstudaginn þegar stóru krakkarnir komu heim með bréf þess efnis að  skólaaksturinn yrði lagður af frá 1 nóv. Þetta eru að sjálfsögðu forkastanleg vinnubrögð skólastjórnar og það versta er að eftir fund með foreldrum í gær vei maður að ástæðan fyrir þessu er að menn reiknuðu dæmið ekki til enda í haust. Við höfum ekki aðstæður til að skutla þeim þessa löngu leið 2x á dag. Nú er bara verið að pússla þessu með því að notast við skólabíla grunnskólana en þetta mun raska þeirra rútínu talsvert

En við erum að undirbúa afmælið hennar Sögu sem er á mánudaginn og jafnvel kemur leynigestur í heimsókn

Laugardagur

Það skelfir mig hvað tíminn æðir frá mér allt of hratt Núna var viku 8 af 12 að ljúka og það styttist í próf. Ég er ekki með jafn rosalegt sjálfstraust eins og á fyrstu vikunum þar sem ég þarf nú að leggja mig alla fram til að halda í við kennarana á þessari brjálæðislegu yfirferð yfir efnið....

En ég er að taka mig mjög mikið á í AA prógraminu þar sem það er alltaf besti staðurinn að vera á. Það hjálpar líka mikið við að halda einbeitingu og skipulagi á náminu. Ég er að fara sporahring með yndilegri konu sem er algjör snillingur Ég er nú alltaf dugleg að fara með bænirnar mínar en hef nú bætt við þakklæti og reyni nú að þakka fyrir allt sem ég á. Það er svona ákveðin kennig í mínu andlega lífi að ef ég er ekkert þákklát fyrir það sem ég á, af hverju ætti ég þá að eignast meira? Þess vegna þakka ég nú fyrir heimilið mitt sem er besti staður í heimi, alla sem þar búa, sem er besta fólkið í heimi. Ég þakka fyrir fjölskyldu og vini sem eru eru best í heimi. Ég þakka fyrir það tækifæri að vera í þessu námi sem er stórkostlegasta nám í heimi, og bara fyrir líf mitt sem er stórkostlegasta líf í heimi. Það eina sem ég þarf að gera er að kunna að meta það. Alveg ágætis afþreying í krppunni að hugsa um allt sem vert er að þakka

 

 

 

Algjörlega sammála

Ég er algjörlega sammála Ögmundi með þetta umboðsleysi stjórnvalda. Magnús Bjartur hefur ekki unnið sér það inn að fá þetta á sínar herðar um ókomna tíð... Nefni hann því ég kaus náttúrulega og kvittaði þá fyrir þessa ríkisstjórn . Ekki það að ég kýs nákvæmlega það sama ef blásið verður til kostninga nú. En þarf ekki að byrja á því að skoða hvað við erum raunverulega og lagalega skildug til að borga af þessu öllu saman áður en almenningi er sökkt (dýpra) í skuldafenið?

Rangt að skuldbinda ófædd börn

hmmmm...

Mikið rosalega er þetta illa skrifuð frétt og klaufaleg. Þetta er toppurinn á klaufaskapnum:

" ...að afskipti hafi í kjölfarið verið höfð afskipti af fimm einstaklingum".

Fíkniefni fundust á Akureyri

Björgvin G

Ég trúi því í dag alla vega að Björgvin G. Sigurðsson sé góður og klár maður sem nú geri allt sem í hans valdi stendur til að bjarga því sem bjargað verður.  Og hana nú.

Já sæll....

Ekki voru það nú sérstaklega góðir dómar Ég mun samt áfram vera einlægur aðdáandi Gísla og co í Vesturporti. Þau eiga nú smá, svona pinku brot, í hjónabandinu mínu. Að minnsta kosti voru einhverjar línur lagðar að því í ferðinni sem ég fór með Guðrúnu og Vesturporti til Tampere í Finnlandi 2005. Frábær ferð, frábær hópur og í dag á ég frábært hjónaband

Óánægður með Woyzeck Vesturports

nýtt blogg

Nú er lag.

Ég hef ákveðið að prufa moggabloggið og langar að bjóða ykkur velkomin á síðuna mína. 

Það gætu orðið einhverjir tæknilegir örðuleikar til að byrja með á meðan ég er að læra á þetta allt saman en það kemur allt með kalda vatninu. Veriði svo bara dugleg að skilja eftir athugasemdir.

Kveðja Jódís