Þakka fyrir mig...

Jæja þetta var lærdómsríkt, en ég ætla að fara heim á centralinn....

Það er spurnin....

Ég kann einhvern veginn ekkert sérstaklega vel við mig hér á mogganum

Ég er að velta því fyrir mér hvort ég ætti að fara aftur á centralinn eða bara hætta þessu bloggi. Þetta er nú dáldið svona  twothousandandfive Hafið þið einhverja skoðun á þessu?

Á ég að hætta að blogga??

Á ég að fara aftur á blog.central.is/jodisskula??

Á ég að gefa moggablogginu meiri sjens??

 Ég veit ekki einu sinni hvort einhver sé að lesa þessa vitleysu ennþá

Látiði nu í ykkur heyra!!

jæja

Búin í prófum, ups and downs... Núna tekur við rólegri tími og bið eftir niðurstöðum. Ég hef lifað á poppi og nammi alla prófatörnina og nú er komið að detoxi. Þegar ég steig á vigtina í morgun stóð "To be continued" á vigtinni.

Til hamingju með daginn

Hví skyldi ég ei vakna við

og verki tömu sinna –

veit eg að stuttri stundarbið

stefin mín öngvir finna –

en fyrst þú gast svo góðs til mín,

get eg þá nema minnst til þín,

ættprýði mín og minna!

 

 

Dagur íslenskrar tungu

S.O.S

Jæja þá er það loka spretturinn

Þessi vika og svo fyrsta lokaprófið á mánudaginn. Jæks! Magnús er búinn að  vera veikur síðan á fimmtudag, með í eyrunum og barkabólgu og kominn á pensilín. Við reynum nú að vera á vöktum með hann og læra þess utan. Hún systir mín kom svo í heimsókn og verður í nokkra daga. Hún er látin sinna öllum leiðinlegum húsverkum og svo eldri börnunum sem þurfa nú talsvert aðhald á þessum tímapunkti í skólanum Ritgerðir úr þriðja tákninu, skyndipróf í hinum og þessum fögum og svo stuttmyndagerð í gangi þessa dagana hjá þeim. 

Mesti ofsakvíðinn hjá mér núna er vinnurétturinn sem hljómaði svo vel í upphafi annar. Nú er raunveruleikinn hins vegar skollinn á og felst hann í 20 spurningum sem þarf að kunna utan bókar, því svo dregur maður 1. spurningu af þessum 20 og svarar í munnlegu prófi næsta fimmtudag. Þegar búið var að svara spurningunum 20 reyndust það 80 bls Alþjóðavinnumálastofnunin, Evrópureglur á sviði vinnuréttar, staða og hlutverk sáttasemjara?!?!?! þetta er algjört hell

Ég er allavega að fá frussuskít yfir öllu þessu og mun ekki verða mönnum sinnandi næstu 2 vikur eða svo. En þá skal líka jólað feitt út alla aðventuna! hoj

 

Hörmulegt

Þetta held ég að séu verstu kreppufréttir sem ég hef fengið frá því að allt saman hófst. Með hruni fyrirtækisins missir fjöldi fólks atvinnu sína í minni heimabyggð og þar á meðal bróðir minn sem hefur fyrir stórri fjölskyldu að sjá en hann hefur árum saman unnið hjá Malarvinnslunni. 

Við erum svo sannarlega ekki búin að sjá hvernig þetta endar, hverjir halda sjó og hverjir fara í þrot. Fyrirtæki og einstaklingar munu verða gjaldþrota, gömul og gróin fyrirtæki. Vinir og ættingjar. Allt sem var, fer og allt sem átti að verða, ja verður bara alls ekki.

Einu sinni ákvað ég að byggja mér hús. Malarvinnslan og pabbi minn reistu það í sameiningu. Þegar ég horfði á það rísa, frá því að vera aðeins lyngivaxinn mói, sem varð að grunni sem svo varð að fokheldu húsi sem varð að lokum heimili mitt, gat ég ekki með nokkru móti vitað að innan örfárra ára yrði pabbi dáinn, húsið selt og malarvinnslan farin á hausinn. Allt virtist þetta þá jafn fjarstæðukennt.

Its the end of the world as we know it

Malarvinnslan gjaldþrota

Bwahahaha...

Það er ekki annað hægt en að hlæja að þessari frábærlega ömurlegu auglýsingu

Hvað búum við eiginlega í fáránlega yfirborðskenndu og siðlausu samfélagi??

God bless America?

Þetta dró úr gleði minni verð ég að segja. Er þetta kveðjugjöf repúblíkana til þjóðarinnar? Allavega er ég ótrúlega glöð með þær stórkostlegu fréttir að Barack Obama sé nýr forseti Bandaríkjanna og því hörmungatímabili sé nú loksins lokið sem heimurinn hefur horft uppá undanfarin ár! Vona að það verði til þess að  minnihlutahópar eigi sér viðreisnarvon í nýjum og betri Bandaríkjum. Nú er bara að sjá hvernig Obama mun standa sig í starfi því í raun er hann alveg óskrifað blað.

Réttur samkynhneigðra takmarkaður

Hmmm?

Af hverju er lagið if i were a boy með Beyonce algjörlega uppáhaldslagið mitt í heiminum??  Skrítið að lessan sem ég er skuli algjörlega falla fyrir þessu lagi

 

Jæja aftur að lærdómnum

Ekki öll von úti...

Þetta er málið. Þetta var uppistaðan í finnsku aðferðinni úr kreppunni á sínum tíma, ásamt öðru auðvita. Að setja þær fáu krónur sem til voru í kassanum í menntakerfið. Það eigum við að gera og þannig byggjum við grunn til framtíðar Hoj!

Aldrei fleiri útskrifaðir úr háskóla